Адкрытае акцыянернае таварыства “Экзон” працуе на айчынным фармацэўтычным рынку з 1995 года.
Прадпрыемства вырабляе прадукцыю, якая адказвае ўсім стандартам якасці, выкарыстоўваючы высакаякасную сыравіну.
Уся прадукцыя зарэгістравана Міністэрствам аховы здароўя Рэспублікі Беларусь. Уласная акрэдытаваная служба забеспячэння і кантролю якасці на прадпрыемстве ажыццяўляе шматэтапны кантроль якасці на ўсіх этапах вытворчасці. Калектыў прадпрыемства зацікаўлены ў супрацоўніцтве з айчыннымі і замежнымі партнёрамі.
Сёння прадпрыемства інтэнсіўна развіваецца шляхам пашырэння асартыменту прадукцыі, што выпускаецца, лекавых форм і ўкаранення новых вытворчых магутнасцей.
На ААТ "Экзон" працуюць 5 участкаў:
- участак вытворчасці гематагену
- участак вытворчасці сіропаў
- участак вытворчасці таблетак
- участак вытворчасці парашкоў і гранул
- участак фасоўкі і ўпакоўкі гатовых лекавых сродкаў
Рашэннем урада былога СССР у г. Драгічыне Брэсцкай вобласці у 1986 годзе пачалося будаўніцтва завода медыцынскіх прэпаратаў і вырабаў, які атрымаў назву Біяхімічны завод.
Завод прызначаўся для выпуску антыбіётыкаў і біялагічных сродкаў для абароны раслін. У складзе завода прадугледжвалася будаўніцтва рамонтна-механічнай вытворчасці саюзнага значэння для патрэб медыцынскай прамысловасці.
Будаўніцтва працягвалася да 1990 г., затым было прынята рашэнне аб перапрафіляванні завода на выпуск антыбіётыкаў і вітамінаў.
24 жніўня 1995 г. на падставе загада № 45 Камітэта па фармацэўтычнай і мікрабіялагічнай прамысловасці пры Савеце Міністраў РБ запатэнтаваны таварны знак і прысвоена назва “Экзон”.
У 1996 г. Урадам прымаецца рашэнне аб рэструктурызацыі завода, які будаваўся.
У гэтым жа 1996 годзе была асвоена вытворчасць першага віду прадукцыі - Гематаген дзіцячы. Увосень 1997 года ўведзена ў строй лінія вытворчасці сіропаў і пачаты выпуск сіропу шыпшыны.
У красавіку 2002 года ў сувязі з эканамічнай мэтазгоднасцю адбыўся падзел нашага прадпрыемства на дзве самастойныя адзінкі: РУП “Экзон” і РУВП “Экзон - Глюкоза”.
У снежні 2010 года Рэспубліканскае ўнітарнае прадпрыемства “Экзон” было пераўтворана ў Адкрытае акцыянернае таварыства “Экзон”
У 2021 годзе было прынята рашэнне аб змене візуальнага пазіцыянавання брэнду. Быў распрацаваны вобраз візуальнай камунікацыі кампаніі “Экзон” — лагатып, фірменны стыль і слоган.
Якасць нашай прадукцыі і забеспячэнне бяспекі працы работнікаў – мэта нумар адзін ААТ “Экзон” і гарантыя дабрабыту кожнага работніка!”
Мы працуем з мэтай гарантаваць чаканы ўзровень і стабільнасць якасці прадукцыі, якую выпускаем, для забеспячэння эфектыўнасці і бяспекі лекавых сродкаў.
З мэтай кіравання і забеспячэння якасці на ААТ “Экзон” распрацавана, задакументавана і ўкаранёна фармацэўтычная сістэма якасці.
Распрацаваны стандартныя працэдуры, неабходныя для функцыянавання сістэмы.
Вытворчы тэхналагічны працэс ажыццяўляецца па поўным цыкле ад уваходнага кантролю актыўных фармацэўтычных субстанцый, якія паступаюць, да канчатковага кантролю прадукцыі, якая выпускаецца. Вытворчасць ажыццяўляецца паводле патрабаванняў правілаў GMP.
Прадпрыемства валодае сучаснымі рэсурсамі: вытворчай базай, акрэдытаванай вытворчай лабараторыяй, падрыхтаваным і кваліфікаваным калектывам спецыялістаў.
.png)
